Sending

In Junie 1997 het ‘n lidmaat van ons gemeente ‘n brief ontvang van Amoss Mah-llanga uit Kenia. Amoss is afkomstig uit ‘n Christen agtergrond en die oudste seun van ‘n predikant van die Dutch Reformed Mission Church van Kenia.  Amoss is verbonde aan die Emmanuel Reformed Church of East Africa.  Amoss het op die dorpie Faza beland na sy opleiding te Garissa tussen die Somali’s, in die ooste van Kenia. Omdat die meeste Keniaanse kerke glo dat ‘n sendeling blank moet wees, ondersteun hulle nie maklik swart sendelinge nie.  A.g.v. br. Amoss se brief na die verre Pretoria, het ons gemeente betrokke geraak by sy werk.  Die kommissie het bevind dat Amoss waarlik ‘n geroepene van die Here is en na 'n ter plaatse ondersoek goedgekeur dat hy finansieël vanuit ons gemeente ondersteun sou word. Daar is ook besluit dat hy gehelp moet word met verdure studies in die Gereformeerde leer.  Daar word aanbeveel dat hy B.Th. telematies by die Noord-Wes Universiteit doen.